اسلام آباد/مکۃ المکرمہ۔ 19 اگست (اے پی پی) حج انا فرض ءِ ادا کننگ کن مچ آ دنیا آن حج مبارک آ سرمروک آ لکھ آ کلمہ گو (پگہ )دوشنبے نادے 9 ذوالحج آ حج انا رکن اعظم وقوف عرفہ ادا کیرہ۔ یک شنبے نادے 8 ذوالحج آ حاجیک منیٰ نا خیمہ بستی ٹی قیام کریر ۔ 9 ذوالحج آ حج انا فرض انا ادا کننگ کن میدان عرفات آ سرمریرہ ہراڑے مسجد نمرہ ٹی خطبہ حج ءِ بِننگ آن پد پیشیم نا نماز و دیگر نا نماز ءِ اسہ جاگہ غا خوانرہ ۔دیگر و شام انا نیام اٹ وقوف مریک ۔ داقبولیت نا ہمو ساہت آک ءُ ہراٹی کروک آ اسہ دُعا سے ہم اللہ رب العزت رد کپک ہنداخاطرآن دیگر و شام انا نیام اٹ حاجیک اللہ رب العزت ناحضور اوغرہ و خصوصی دعا کیرہ۔

متعلقہ مضامینمصنف کی طرف سے مزید