اسلام آباد۔19 اگست(اے پی پی)پاکستان اٹی متحدہ عرب امارات(یواے ای )ناسفیر حمد عبید الزابی پارینے کہ پاک یو اے ای تاریخی تعلقداری و ہڑتوم آ ملک آتا کاریمی سرکڑدہ غاتا اسہ وڑ سوچ تین پہ تینی فائدہ غاتے کن تینا اقتصادی رابطہ غاتا حقی لائخی آن فائدہ ہرفنگ نا بابت سوگو بنداو فراوان کرینے ، ہڑتوم آ ملک آتا نیام اٹ چندی بشخ آتیٹی گیشتر کاریم نا کچ آن پبی …
پاکستان اٹی متحدہ عرب امارات (یواے ای )ناسفیر حمد عبید الزابی نا’اے پی پی‘‘ ءِ خصوصی انٹرویو
گیشتریں ھال
اسلام آباد۔19 اگست(اے پی پی)پاکستان اٹی متحدہ عرب امارات(یواے ای )ناسفیر حمد عبید الزابی پارینے کہ پاک یو اے ای تاریخی تعلقداری و ہڑتوم آ ملک آتا کاریمی سرکڑدہ غاتا اسہ وڑ سوچ تین پہ تینی فائدہ غاتے کن تینا اقتصادی رابطہ غاتا حقی لائخی آن فائدہ ہرفنگ نا بابت سوگو بنداو فراوان کرینے ، ہڑتوم آ ملک آتا نیام اٹ چندی بشخ آتیٹی گیشتر کاریم نا کچ آن پبی فائدہ ہرفنگ نا گرج ءِ ، دبئی ایکسپو 2020ء پاکستان کن تینا کاریم نا کچ ، مصنوعات آتے پیش کننگ و جہانی زرکار آتے اتنگ نا اسہ جوان ءُ موقع اسے ، گوادر سٹی ٹی سور انگا دیر ءِ ہنین جوڑ کننگ نا ڈٹ اتون اوار چندی شرحالی ڈٹ متحدہ عرب امارات نا کمکاری اٹ پورو کننگ انگ ءُ ۔ داخیال آتا درشانی ءِ او ’’اے پی پی‘‘ ءِ خصوصی انٹرویو ٹی کرے ۔ متحدہ عرب امارات نا سفیر پارے کہ غٹ آن اہم انگا گڑادادے کہ اونا ملک و پاکستان اسہ وژن و و خیال آتا حامل ءُ ، پاکستان و یو اے ای انسداد دہشت گردی و انتہا پسندی و جان جوڑی و تعلیم نا بشخ آتا مون آ دننگ آ تینا چکار ءِ کرینو۔ اوپارے کہ ہڑتوم آ ملک آتون بے پناہ اقتصادی استعداد ارے۔
