اسلام آباد۔19 اگست(اے پی پی)چینی میڈیا پارلیمان ناایوان قومی اسمبلی ٹی عمران خان نابطور وزیراعظم گچینی و سوغندی دود انا پبی کوریج ءِ کرینو۔ چین اٹی انگریزی زبان نا اسٹ انگا ٹی وی چینل چائنہ گلوبل ٹیلی ویژن ، چینی زبان نا جتا ٹی وی چینلز، انگریزی اخبارات بشمول گلوبل ٹائمز، چائنہ ڈیلی ، پیپل ڈیلی تون اوار ایلو جتا زبان آتیٹی شینک مروک آ اخبار و ویب سائٹ آتیا ہم وزیراعظم پاکستان نا گچینی و سوغندی دود انا نمان و پبی وڑاٹ کوریج ءِ کرینو ۔ داکان بیدس ٹی وی چینل آک خصوصی رپورٹ نشر کرینو وخت اس کہ چین نا اخبارآک عمران خان نا 22سالہ مریس سیاسی جہد نا بابت خصوصی سرحال ہم شینک کرینو ۔
