اسلام آباد۔19 اگست(اے پی پی)اسپیکر قومی اسمبلی اسد قیصر سردار عثمان بزدارءِ وزیراعلیٰ پنجاب وجام میرکمال خان ءِ وزیر اعلیٰ بلوچستان گچین مننگ آ مبارک باد ی تسنے ۔ یک شنبے نادے تینا کلہو اٹی اسیپکر قومی اسمبلی پارے کہ جام میر کمال خان بلوچستان نا الس نا ویل آتے زیات جوان چاہک اونا وزیر اعلیٰ بلوچستان گچین مننگ بلوچستان نا شونداری و شونہالی کن اسہ گچین ءُ عمل اس مریک ، اسپیکر قومی اسمبلی پارے کہ جام میر کمال خان نا شمار ہمو سیاسی بصیرت تخوک سیاستدانوں آتیٹی مریک ہرافتا سرکڑدہ ہی ٹی بلوچستان نا ویل آک ایسر مریرہ ۔ اسد قیصر پارے کہ صوبہ بلوچستان بے شمارقدرتی وسیلہ غاتیان مالا مال ءِ ، جام میر کمال نا کماشی ٹی بلوچستان نا الس شونداری نا کسر آ روان مریک ۔
