اسلام آباد۔ 18 اگست (اے پی پی) مزن وزیر عمران خان ءَ پاکستان تحریک انصاف ءِ کلانہ ایں سروک ڈاکٹرعارف علوی ءَ را صدرپاکستان ءِ بستار ءِ واستہ پارٹی ءِ امیت وار نامینت۔ اے گپ پاکستان تحریک انصاف ءِ میڈیا سیل ءِ نیمگ ءَ چہ جاڑی بوتگیں بیان ءِ تہ ءَ گوشگ بوتگ۔ بیان ءِ تہ ءَ گوشگ بوت کہ چیئرمین پاکستان تحریک ءِ انصاف ءَ صدر پاکستان ءِ بستار ءِ واستہ ڈاکٹر عارف علوی ءِ نامینگ ءِ ھاترا وتی رضامندی سہرا کتگ۔ الیکشن کمیشن آف پاکستان ءَ صدر ءِ مملکت ممنون حسین ءِ اگدہ ءِ پنچ سال سرجم بوھگ ءِ پد ءَ پیسر ءَ چہ صدارتی گچین کاری آنی شیڈول ءِ جار جتگ ایشی ءِ چیر دستی ءَ 4ستمبر ءَ ملک ءِ نوکیں صدر ءِ گچین کنگ بیت۔
