اسلام آباد۔18 اگست(اے پی پی)اقوام متحدہ ناسیکرٹری جنرل انٹونیو گوئتریش پاکستان ناوزارت عظمیٰ نا منصب ءِ سنبھالنگ آ عمران خان ءِ مبارکبادی ترسا دااومیت نا درشانی ءِ کرے کہ اونا کماشی ٹی پاکستان و اقوام متحدہ نا نیام اٹ مچ آ دنیا ٹی پیس کیپنگ آپریشن آتون اوار چندی بشخ آتیٹی کمکاری ءِ پین مون آ دننگک ۔وزیراعظم پاکستان نا پن تینا مکتوب اٹی جہانی ادارہ نا سیکرٹری جنرل وزیراعظم عمران خان کن تینا گرمجوشی نا درشانی ءِ کرسا پارے کہ اودے یخین ءِ کہ اقوام متحدہ و پاکستان نا نیام اٹ کمکاری ءِ مون آ دننگک و او ستمبر اٹی جنرل اسمبلی نا73می دیوان اٹی وزیراعظم پاکستان عمران خان تون اوڑدہی کن خن کسراٹی ءِ ۔
