اسلام آباد۔ 18 اگست (اے پی پی) وزیراعظم عمران خان نا سوغندی دود اٹی حلیف جماعت آتا راہشون آتون اوار آزاد کشمیر ناصدر و ایلو مہمانک ہم ساڑی ئسر۔ ہفتہ نادے ایوان صدر اٹی مروک آ وزیراعظم نا سوغندی دود اٹی آزاد کشمیر ناصدر سردار مسعود خان مسہ پندار صوبائی گورنرز چوہدری سرور، شاہ فرمان، عمران اسماعیل ، ایم کیو ایم ناکنوینئر خالد مقبول صدیقی ، گرینڈ ڈیموکریٹک الائنس ناغوث بخش مہر، جمہوری وطن پارٹی نا سروک شاہ زین بگٹی ، قائم مقام چیئرمین سینیٹ سلیم مانڈوی والا، اسپیکر قومی اسمبلی اسد قیصر، وزیراعلیٰ خیبرپختونخوا محمود خان ، تحریک انصاف نا سینئر راہشون شاہ محمود قریشی، پرویز خٹک ، ڈاکٹر عارف علوی، شفقت محمود تون اوار بھلو کچ اسے ٹی پارلیمنٹ نا باسک آک ، درملکی سفیر آک ، بھارتی کرکٹ ٹیم انا مسکوہی بلے باز نوجوت سنگھ سدھو،1992 نا ورلڈ کپ ءِ کٹوک آ قومی کرکٹ ٹیم انا گوازی گر جاوید میاں داد، وسیم اکرم، مدثر نذر، انضمام الحق تون اوار ایلو گوازی گر و شوبز تون تعلق تخوک آ جاوید شیخ تون اوار اہم کڑدارک ہم سوغندی دود اٹی ساڑی ئسر۔
