اسلام آباد ۔ 17 اگست (اے پی پی) وزارت ڈٹ بندی، شونداری واصلاحات سرکاری بشخ انا شونداری پروگرام تیٹی داخلہ ڈویژن نا شونداری ڈٹ آتے کن جم وڑاٹ داوخت اسکان 2 ارب 57کروڑ 87 لکھ روپئی نا فنڈ جاری کرینے ، حکومت ملک اٹی بڑزکو تعلیم نا مون آ دننگ کن ہندا مالی سال اٹی 24 ارب 20 کروڑ روپئی آن زیات نا فنڈ جتا کرینے ۔ پلاننگ کمیشن نا کنڈآن جاری کروک حساب وکتا ب نارداٹ حکومت تلہاڑ خلق اٹی روڈ آتا جوڑ جاڑ کن 56لکھ، نیشنل رسپانس سنٹر فار سائبر کرائمز کن 6کروڑ، اسلام آباد اٹی آبپاشی نا غرض اٹ دیر انا کچ ءِ ودفنگ کن 59 لکھ ، سائبر پٹرولنگ یونٹ کن 48 لکھ، سوات و ملاکنڈ اٹی سکیورٹی نا بست و بند آتے گچین جوڑ کننگ کن 10 کروڑ روپئی تون اوار چندی شونداری ڈٹ آتے کن فنڈ جاری کننگانے ۔
