اسلام آباد ۔ 17 اگست (اے پی پی) وزارت ڈٹ بندی، شونداری واصلاحات سرکاری بشخ انا شونداری پروگرام تیٹی ہائرایجوکیشن کمیشن نا شونداری ڈٹ آتے کن جم وڑاٹ داوخت اسکان 4 ارب 63 کروڑ 20 لکھ روپئی نا فنڈ جاری کرینے ، حکومت ملک اٹی بڑزکو تعلیم نا مون آ دننگ کن ہندا مالی سال اٹی 46 ارب 67 کروڑ روپئی آن زیات نا فنڈ جتا کرینے ۔ پلاننگ کمیشن نا کنڈآن جاری کروک حساب وکتاب نا رداٹ حکومت پشین و خضدار اٹی ویمن یونیورسٹی کیمپ آتا جوڑ کننگ کن 8 کروڑ، قراقرم انٹر نیشنل یونیورسٹی نا ہوسٹل نا جوڑ جاڑ و اسپورٹس نا آسراتی تا فراوانی کن 2کروڑ 50 لکھ، پسماندہ علاقہ غاتیٹی یونیورسٹی تا اپ گریڈیشن کن 10 کروڑ ، سائنس ٹیلنٹ فارمنگ اسکیم کن 4 کروڑ، ایئر یونیورسٹی اسلام آباد اٹی ریسرچ و اکیڈمک بلاک نا جوڑ جاڑ کن 8کروڑ، پاک امریکہ نالج کوریڈور نا رداٹ پی ایچ ڈی اسکالر شپ پروگرام کن 8 کروڑ 50 لکھ ، قومی بنجامصنوعی ذہانت کن 8 کروڑ ، انجینئرنگ یونیورسٹی تیٹی ایم ایس ، پی ایچ ڈی پروگرام کن 10 کروڑ 93 لکھ، انٹرنیشنل اسلامک یونیوسٹی ٹی اپ گریڈیشن کن 9 کروڑ، وومن یونیورسٹی ملتان نا جوڑ کننگ کن اسہ کروڑ، نارووال اٹی یونیورسٹی آف انجینئرنگ اینڈ ٹیکنالوجی لاہور نا سب کیمپ آتا جوڑ کننگ کن 9 کروڑ روپئی تون اوار چندی شونداری ڈٹ آتے کن فنڈ جاری کننگانے ۔
