اسلام آباد۔17اگست(اے پی پی) الیکشن کمیشن ءَ راجی ءُ صوبائی اسمبلی آنی ھالی بوتگیں سیٹانی سرءَ ضمنی گچین کاریءِ شیڈول جاری کتگ۔ الیکشن کمیشن ءِ نیمگءَ چہ جمعہءِ روچءَ جاری شیڈول ءِ ردءَ ریٹرننگ آفیسر آنی نیمگءَ چہ پبلک نوٹس 27اگست ءَ را جاری کنگ بیت، نامزدگیءِ کاگد 28تاں 30ءَ دست گرگ بنت، نامزدیں اُمیت وارانی نام 31اگستءَ شنگ کنگ بنت۔ ریٹرننگ آفیسرآنی نیمگءَ چہ کاگدانی چارءُ تپاسی 4ستمبرءَ بیت۔ ریٹرننگ آفیسر ءِ نیمگءَ چہ کاگدمنظورءُ منظور نہ کنگءِ ھلاف ءَ دزبندی 8ستمبرءَ جم کنگ بنت وھدے کہ اپیلٹ ٹربیونل ءِ نیمگءَ چہ اے دزبندی تاں 31ستمبرءَ گیشءُ گیوار کنگ بنت۔
