اسلام آباد۔ 16 اگست (اے پی پی)نگران بُنجاھی وزیر کانود ءُُ انساپ سید علی ظفر ءَ بُنجاھی سروس ٹریبونل (ایف ایس ٹی) ءِ اولی رپوٹ ءِ تیاری ءِ پد ءَ ایف ایس ٹی ءِ چیئرمین ءُُ باسک آنی کوشست آناں ساڑات۔ آئی ءَ اے ھیالانی درشانی ایف ایس ٹی ءِ چیئرمین جسٹس (ر) سید زاہد حسین ءَ گوں گند ءُُ نند ءَ کت، گند ءُُ نند ءَ چیئرمین ایف ایس ٹی ءِ سرپانک بُنجاھی وزیر ءَ را ٹریبونل ءَ را رپوٹ پیش کت۔ بُنجاھی وزیر کانود ءَ گوشت کہ فیڈرل سروس ٹریبونل بُنجاھی حکومت ءِ ارزشتی ایں ادارگ اِنت ایش سرکاری ملازمین ءُُ کارندہ آنی سروس آنی بابت ءَ جیڈھ آنی جوڈیشل فورم ءِ زمہ واری آں پیلو کنگ ءَ اِنت۔ آئی ءَ گوشت کہ اے گپ سک باز ارزشتی اِنت کہ ایف ایس ٹی انساپ ءِ ٹوھیں بالاد ءَ را مھکم ءُُ برجم داران ءَ وھد ءُُ موہ ءِ سر ءَ پیسلہ کنت ءُُ ایشرا دوئیں شریک آنی دل یکیمی گوں اِنت۔ آئی ءَ گوشت کہ رپوٹ رھبند (پروسیجرز) آنی تہ ءَ تچکی دیم ءَ سرپدی دیم ءَ شنگ ءُُ تالان کنگ ءَ اِنت ءُُ ایشرا ھمک سال ءِ بنیات ءَ جاڑی کنگ ءِ ضلورت اِنت۔ ایف ایس ٹی ءِ چیئرمین جسٹس (ر) سید زاہد حسین ءَ سرپانک حکومت ءِ زمانگ ءَ رپوٹ ءَ را پکوئیں رنگ دیگ ءِ یک شل ءَ کمک ءُُ ھمبراھ داری ءِ پد ءَ بُنجاھی وزیر ءِ شگر ءُُ منت گپت۔
