اسلام آباد۔ 16 اگست (اے پی پی) قومی اسمبلی ءِ سپیکر اسد قیصر ءَ گوشت کہ پاکستان متحدہ عرب امارات ءَ چہ وتی در ملکی یکوئی آناں سک باز ارزشت دنگ ءُُ ایشاناں نوکیں برزیں کوھنڈگ آں سر کنگ ءِ واھشت مند اِنت۔ آئی ءَ اے گپ پنچ شمبے ءِ روچ ءَ ادا متحدہ عرب امارات ءِ سفیر عبدابراہیم سالم الاظبی ءَ گوں گند ءُُ نند کنان ءَ گوشت۔ گند ءُُ نند ءَ دو نیمگی یکوئی ءُُ وت مہ وتی واھگی واھشت آنی ایندگہ کار آنی سر ءَ ھم ھیال ریچی کت۔ سپیکر ءَ گوشت کہ پاکستان ءُُ متحدہ عرب امارات نیک راھی، دود ءُُ ربیدگ ءُُ راجدپتر ءِ مھکمیں ریشگ آں گوں بندوک آں۔ دو نیمگی یکوئی ءَ را گیش مھکم کنگ ءِ واستہ دوئیں ملک آنی پارلیمنٹ ءِ باسک ءُُ سوداگریں برات آنی نیام ءَ رابطہ آنی تہ ءَ گیشی ءِ ضلورت اِنت۔ متحدہ عرب امارات ءِ سفیر ءَ اسدقیصر ءَ قومی اسمبلی ءِ سپیکر گچین بوھگ ءِ پد ءَ مبارک بات دات۔ آئی ءَ گوشت کہ متحدہ عرب امارات پاکستان ءِ گوما وتی سیادی آناں شرپ ءِ نگاہ آں چار ایت۔
