اسلام آباد ۔ 16 اگست (اے پی پی) ملکءِ22می مزن وزیر ءِ ھاترا تحریک انصاف ءِ کماش عمران خان اور مسلم لیگ (ن) ءِ کماش شہباز شریف ءِ نام گپتی کاگد منگ بوتگ انت، دوئیں امیتوارانی نام گپتی کاگد انی سرا کجام ھم باسک ءِ نیمگا چہ اعتراض جنئگ مہ بوتگ۔نوکیں مزن وزیر ءِ ھاترا پولنگ(مروچی) جمعہ ءَ بیت۔ قومی اسمبلی سیکرٹریٹ ءِ گوشگ ءِ رداپنچ شمبے ءَ مزن وزیر ءِ ھاترا نام گپتی کاگدجم کنگ ءِ وھد ءَ دو امیتواراں عمران خان ءُُ شہباز شریف ءَ نام گپتی کاگد جم کنائینتگ انت۔ سپیکر قومی اسمبلی اسد قیصر ءِ نیمگا چہ دوئیں امیتوارانی نماھندگ ءِ ساڑی بوھگ ءَ نام گپتی کاگدانی پٹ ءُُ پول کتگ ءُُ دوئیں امیتوارانی نام گپتی کاگد درست کنان ءَ منظور کنگ بوتگ انت۔مزن وزیر ءِ نامینگ ءِ ھاترا بنجاہی اسمبلی ءِ دیوان جمعہ ءِ بیگاھ سئے ءُُ نیم بج ءَ بیت۔(ن۔ا۔ج)
