کراچی ۔ 16 اگست (اے پی پی) پاکستان پیپلز پارٹی ءَ گوں سیادی داروکیں سید مراد علی شاہ 97 ووٹ زرت سر وزیر سندھ گچین بوتگ ات۔ پنچ شمبے ءَ سپیکر سندھ اسمبلی آغا سراج درانی ءِ سروکی ءَ بوتگیں سندھ اسمبلی ءِ دیوان ءِ تہ سر وزیر سندھ ءِ گچینی ءِ ھاترا ووٹنگ بوتگ ۔قائد ایوانءِ ھاترا پیپلزپارٹی ءِ مراد علی شاہ ءِ مقابلہ اپوزیشن اتحادءِ شہریار مہرءِ گوما ات۔ سندھ اسمبلی ءِ تہ قائد ایوان ءِ گچینی ءِ ھاترا ووٹنگ بوت تو مراد علی شاہ ءَ را ووٹ دیوکاں ءَ راستیں تاک ءِ ایر کنگ بوتگءُُ اسپیکرءَ پرمان دات کہ مراد علی شاہ ءَ ووٹ مان کنوکیں باسک راستیں تاک ءِ نیمگا بروانت۔دومی نیمگا سپیکر ءَ گوشت کہ شہریار مہر ءَ را ووٹ دیوکیں باسک دومی تاک ءِ نیما بروانت۔پولنگ ءِ پدا ھساب ءُُ کتاب ءِ پدا سید مراد علی شاہ 97ووٹ زرت سر وزیر سندھ گچین بوتگ ات وھدیکہ متحدہ اپوزیشن ءِ امیتوار شہریار مہر ءَ 61ووٹ زراتگ انت۔
