اسلام آباد ۔ 16 اگست (اے پی پی) پاکستان ءِ تہ داشتگیں چینءِ سفیر یاؤ جنگ ءَ گوشت کہ چین تحریک انصافءِ راھشونی ءَ پاکستان ءِ آوکیں حکومت ءِ گوما کار کنگ ءِ واھگدار انت۔پنچ شمبے ءَ ادا اھوالکاراں گوں گپ ءُُ تران کنان ءَ چینی سفیر ءَ گوشت کہ چین ءُُ پاکستان راستیں دوست ملک انت وھدیکہ چین پاکستان ءِ آوکیں حکومت ءِ گوما ءُُ پارلیمنٹ ءِ ھوار کار کنگ ءَ پہ ساجو انت۔آہاں گوشت کہ پاکستانی راج ءَ عمران خانءِ سرا اعتماد کتگ انت ءُُ چین نوکیں حکومت ءِ گوما دراھیں تک ءَ سرجم کمک پھجارایت۔آہاں گوشت کہ پاکستان ءُُ چین ءِ میان ءَ دودیمی سیادی ءِ بُن باز جہل انت ۔عمران خان ءِ گوما گند ءُُ نند ءِ ھوالہ ءَ یک جستے پسو ءَ آہاں گوشت کہ عمران خان ءِ گوما گند ءُُ نند تعمیری بوتگ ،آہاں امیت ءِ درشان کتگ کہ آوکیں روچاں پاکستان ءُُ چین ءِ میان ءَ دونیمگی سیادی باز مھکم بنت۔
