بیجنگ۔16اگست(اے پی پی) سینیٹ ءِ چیئرمین محمدصادق سنجرانی 9باسکی مزن گسی ڈل ءِ ھمرائی ءَ پنچ روچی ترءُ تاب ءَ چینءَ سربوتگ ۔ پنچ شمبےءِ روچءَ سینیٹ سیکرٹریٹ ءَ چہ جاری بوتگیں بیانءِ ردءَ ترءُ تابءِ مولءُ مراد چین ءِ گوما مزن گسی کمک ءَ را گیش مھکم کنگءُ نزیکی ءَ را گیش کنگءَ ھوار زرکاری ءُ بیپاری ءِ نوکیں کشک پچ کنگ اِنت ، ترءُ تابءِ دعوت چین ءِ نیمگءَ چہ دیئگ بوتگ۔ بیانءِ ردءَ سینیٹءِ چیئرمین محمد صادق سنجرانی ءَ گشتگ کہ پاکستان چین ءِ گوما دوستی ءِ نامیرانیں سیادی ءَ را شرپءُ عزتءِ چماں چاریت، ترءُ تابءَ چہ دونیمگی کمک ءَ را گیش مھکمی رسیت۔ آئیءَ گشتگ کہ پاکستانءُ چین ءِ اُلس یکے دومی ءِ گوما ھبءُ واھگ دار اَنت۔
