اسلام آباد۔ 16 اگست (اے پی پی)کینیڈا ءِ مزن وزیر جسٹن ٹروڈدو ءَ گوشت کہ پاکستان ءُُ کینیڈا ءِ نیام ءَ دو نیمگی یکوئی ترندی ءَ دیم ءَ جنزگ ءَ اَنت، مرچی دوئیں ملک موسمی مٹ ءُُ بدلی، سیکورٹی، دیمپانی ، دیمروئی ءُُ وشھالی ، تجارت ءُُ سرمایہ کاری ، گوننس ءُُ ڈیموکریسی ءَ ھوار بازیں گلوبل ءُُ دمگی جیڈھ آنی سر ءَ یکجائی ءَ کار کنگ ءَ اَنت۔ پاکستانی سفارتحانہ ءِ رد ءَ پاکستانی ءِ آجوئی ءِ روچ ءِ موہ ءَ جاڑی بوتگیں وتی بیان ءِ تہ ءَ کینیڈا ءِ مزن وزیر ءَ وتی حکومت ءُُ وتی نیمگ ءَ چہ پاکستانی الس آناں آجوئی ءِ روچ ءَ مبارکی دیان ءَ گوشت کہ پاکستان ءِ 72ھپتاد ءُُ دومی آجوئی ءِ روچ ءِ موہ ءَ ما پاکستانی الس ءُُ سرجمیں دُگنیا ءَ نندوکیں پاکستانی برات آنی شاتکامی ءَ شریکدار آں۔ کینیڈین مزن وزیر ءِ گوشگ اَنت کہ 1947ءَ آزاتی ءَ چہ پد کینیڈا پاکستان ءِ گوما سفارتی یکوئی آنی برجائی ءِ داروکیں اولی ملک بوتگ، کینیڈا ءُُ پاکستان ءِ الس آنی نیام ءَ کرناں چہ یکوئی برجا اَنت۔
