اسلام آباد۔16اگست (اے پی پی ) درئی کارانی کارگس ءِ جارچین ڈاکٹر محمد فیصل ءَ گوشت کہ بھارت پاکستان ءِ سر ءَ بھتام بند گ ءَ ابید وتی گس ءَ شر بہ کنت، بھارت پاکستان ءِ جتا جتائیں بھر آنی تہ ءَ ناشرکاری ءَ گوں دست مانجن اِنت، پاکستان ءُُ اوگانستان گیشینتگیں وھد ءُُ اوگان مہاجرین آنی زوت ءُُ سرجمی ءَ وطن واتری ءِ منصوبگ ءِ سر ءَ کار کنگ ءَ انتت، اے رد اوگان ڈل زور شور ءُُ سلاھ ءِ ھاترا پاکستان ءِ تر ءُُ تاب ءَ کنت غزنی ءَ انوگیں بوتگیں ناشر کاری وئیل ءَ پد بازیں پاکستانی آنی دست مانجنی ءِ اوگان کارندہ آنی الزم بے سر ءُُ پاد انت، پاک اوگان بارڈر ءِ سر ءَ ٹٹ جنگ ءِ کار دو سال ءَ سرجم بیت، پاکستان کجام ملکءِ ھلاپ ءَ یک نیمگی بندش آنی ھلاپ ءَ کنت اِنت۔ پنچ شمبے ءِ روچ ءَ ھمک ھپتگی پریس بریفنگ ءِ ساھت ءَ اھوالکار آنی جتا جتائیں جست آنی پسو ءَ دیان ءَ جارچین ءَ بھارت ءِ سر ءَ زور پر دات کہ آ ھمک واکیہ ءِ زمہ واری ءَ آئی ایس آئی ءِ سر ءَ جنگ ءِ مٹ ءَ وتی گس ءَ شر بہ کنت۔ نئی دہلی ءَ را زھگی زہنیت ءَ چہ ڈن در کپگی اِنت نوں مزن بوھگی اِنت ۔ جار چین ءَ گوشت کہ سیلاپ بہ بیت یا دگہ واکی ، آئی ایس آئی ءَ را زمہ وار نامینگ بھارت ءِ ھمروچگیں کار اِنت۔ جار چین ءَ گوشت کہ بھارت پاکستان ءَ ناشرکاری ءُُ توکی جیڈھ آنی سر ءَ دست مانجنی کنگ ءَ اِنت، کلبھوشن یادیو ءِ بلوچستان ءَ چہ دزگیری ءُُ ایشی ءِ تسلیمی اے گپ ءِ سہرائیں درور اَنت۔
