اسلام آباد۔15اگست(اے پی پی ) آل پارٹیز حریت کانفرنس ءِ ڈلءَ محمد فاروق رحمانی ءِ سروکی ءَ کشمیر گلگت بلتستان ءِ سرپانک بنجاھی وزیر روشن خورشید بروچہ ءَ گوں گندءُ نند کتگ۔ گندءُ نندءِ تہا مقبوضہ کشمیر ءِ انوگیں جاورھال ءِ سرءَ ھیالءُ لیکہ ءِ درشانی کنگ بوتگ۔ اے موھءِ سرءَ بنجاھی وزیر ءَ بہادر ءُ گیرت مندیں کشمیری اُلسءَ را داد ءُ سلام پیش کتگءُ گشتگ کہ 8لکھ بھارتی فوج ءِ ساڑی بوھگءَ ابید ھم کشمیری ورناھءُ زھگاں پاکستانءِ آجوئی ءِ روچ جوشءُ جزبگءَ گوں گوازینتگ۔ آئی ءَ گشتگ کہ بھارتءِ پندسوبمند نہ بنت۔ اے موھءِ سرءَ حریت کانفرنس ءِ ڈلءَ بنجاھی ءَ را مقبوضہ کشمیر ءِ انوگیں جاورھال ءَ چہ سرپد کتگءُ بنجاھی وزیر ءِ کشمیرءِ جیڑہ ءَ را پدر کنگءَ آئیءِ کوشستاناں دادءُ سلام پیش کتگ۔ حریت کانفرنس ءِ ڈل ءَ عبدالمجیدملک ، اعجاز رحمانی ءُ عبداحمید لون ءَ ھوار بوتگ۔
