اسلام آباد ۔ 15 اگست (اے پی پی) پاکستان تحریک انصاف ءُُ ایشی ءِ اتحادی گلانی ھواریں امیتوار اسد قیصر 176ووٹ زرت سپیکر بنجاہی اسمبلی گچین بوتگ ات۔نوک گچین بوتگیں سپیکر اسد قیصر ءَ سپیکر بنجاہی اسمبلی ءِ بستار ءَ سوگند چست کتگ۔چار شمبے ءَ بنجاہی اسمبلی ءِ دیوان سردارایاز صادق ءَ درستاں چہ پیش ءَ نوکیں اسپیکر بنجاہی اسمبلی ءِ گچینکاری ءِ طریقہ کار ءَ چہ ایوان ءَ را سرپد کنان ءَ گوشت کہ سیکرٹری قومی اسمبلی اے الیکشن ءِ تہ پرزائیڈنگ افسر ءِ وڈ ءَ ہزمتاں پیلو کن انت۔باسکاں را اردو ءِ لبزاں ووٹ ءِ ھاترا گوانک جنئگ بوتگ۔ بیلٹ پیپر ءِ سرابنجاہی اسمبلی سیکرٹریٹ ءِ یک مجاز افسرءِ دستخط ءُُ مہر الم بیت۔ سپیکر ءِ اگدھ ءِ ھاترا پی ٹی آئی ءِ امیتواراسد قیصر ءُُ گرینڈ ڈیموکریٹک الائنس ءِ تہ ھوار گلانی ھواریں امیتوار سید خورشید احمد شاہ ءِ میان ءَ مقابلہ بوتگ۔ سپیکر ءَ سرپد کت کہ اسد قیصر ءِ نام ریاض فتیانہ ءُُ فضل محمدءَ تجویز کتگ وھدیکہ سید خورشید احمد شاہ ءِ تجویز کنوکیں ڈاکٹر شازیہ ثوبیہ ،سید نوید قمر،مسرت رفیق مہیسر ،شاہدہ رحمانیءُُ رمیش کمار ءِ نام ھوار انت۔سپیکر ءِ ھاترا الیکشن ءِ ھاترا دو پولنگ بوتھ ہڈ دیئگ بوتگ ات،اُودا باسکاں وت ووٹ ءِ حق کارمرز کتگ۔ اسد قیصرءِ پولنگ ایجنٹ ءِ بستار ءَ ڈاکٹر عمران خٹک ،عمر ایوب خان ءُُ سید خورشید احمد شاہ ءِ پولنگ ایجنٹ ءِ وڈ ءَ سید غلام مصطفی شاہ ءُُ شازیہ مری ءَ فرض پیلو کتگ ات۔پولنگ ءِ عمل یک کلاک ءُُ 51منٹءِ سرا سرجم بوتگ۔ووٹانی ھساب ءُُ کتاب ءِ عمل سرجم بوھگ ءِ سرا آسرانی جار جتگ ،آسرانی ردادراھیں 330ووٹ مان کنگ بوتگ ات۔ایشاں چہ 8ووٹ رد بوتگ انت۔ پی ٹی آئی ءُُ ایشی ءِ ھواری گلانی سپیکر ءِ منصب ءِ ھاترا امیتوار اسد قیصر ءَ 176 ووٹ زرتگ انت وھدیکہ اپوزیشن گلانی ھواریں امیتوار سید خورشید احمد شاہ ءَ 146ووٹ زورتگ انت۔اے وڈ ءَ پی ٹی آئی ءِ امیتوار اسد قیصر بنجاہی اسمبلی ءِ نوکیں سپیکر گچین بوتگ انت۔سپیکر سردار ایاز صادق ءَ نوک گچین سپیکر اسد قیصر ءَ چہ سوگند گپتگ۔
