اسلام آباد۔ 15 اگست (اے پی پی) پاکستان تحریک انصاف ءِ جارچین ءُُ راجی اسمبلی ءِ باسک فواد چوہدری ءَ گوشت کہ مزن وزیر ءِ گچینی 17اگست ءَ بیت ءُُ 18اگست ءَ مزن وزیر سوگند چست کنت، ما اپوزیشن ءِ بُکگ جنگ ءِ واھشت ایگ نہ آں۔ چار شمبے ءِ روچ ءَ قومی اسمبلی ءِ دیوان ءَ چہ پیسر پارلیمنٹ گس ءِ ڈن ءَ میڈیا ءَ گوں گپ ءُُ تران کنان ءَ آئی ءَ گوشت کہ مسلم لیگ (ن) ءِ باسک آنی نیمگ ءَ نیب کورٹ ءِ ڈن ءَ وتی گچین کتگیں رویہ آناں مذمت کن آں۔ نواز شریف ءِ دزبندی ءِ پد ءَ جیل ٹرائل کنگ نہ بوتگ بلکینت ءَ اوپن کورٹ کیس ءِ پیسلہ بوتگ۔ آئی ءَ گوشت کہ ھما مردم آں کہ کیس ءِ گوشداری ءِ موہ ءَ آمید گس ءِ توک ءَ روگی اِنت آ وتی لسٹ ءَ اسلام آباد انتظامی ءَ را پُجاری بکن اَنت، اگاں ھمے رنگ ءِ جاور ھال بوت اَنت گڈا جیل ءِ اندر ءَ ٹرائل کنگ ءِ سر ءَ چار ءُُ بچار کنگ بیت۔ آئی ءَ گوشت کہ مرچی سپیکر ءُُ ڈپٹی سپیکر قومی اسمبلی ءِ گچین بیت، 17اگست ءَ مزن وزیر ءِ گچین بیت وھدیکہ 18اگست ءَ مزن وزیر سوگند چست کنت۔
