اسلام آباد۔ 15 اگست (اے پی پی) پاکستان تحریک انصاف ءِ سروک ءُُ راجی اسمبلی ءِ باسک شاہ محمود قریشی ءَ گوشت کہ پارلیمان ءِ شرپ ءِ واستہ جمہوری رپک آناں دیم ءَ آرگ بہ بیت، خورشید شاہ ءِ شگر ءُُ منت ءَ گران آئی ءَ ریزلٹ ءَ را گوں پچیں دل ءَ کبول کت۔ چار شمبے ءِ روچ ءَ قومی اسمبلی ءِ دیوان ءَ ھیالانی درشان کنان ءَ شاہ محمود قریشی ءَ گوشت کہ اپوزیشن ءِ یکجائی دیوان ءَ جوانیں رپک ءُُ رھبند آنی سروکی ءَ پارلیمنٹ ءِ اندر ءَ کرد پیلو کتگ، خورشید شاہ ءَ ھما گپ جتگ اَنت ایش جمہوریت آں، آئی ءَ پچیں دل ءَ آسر من اتگ، ھمیش اِنت جمہوریت۔ خورشید شاہ اپوزیشن ءِ جتا جتائیں بھر آناں گوں وت بہ زور ایت ءُُ دیم ءَ بہ جنز ایت، ایشی ءِ سر ءَ تئی لک منت ءَ گران، مرچی یک ارزشتی ایں روچ ات، تئی گچین بوھگ یک لس کسو اِت نہ اِت، ایم کیو ایم، بی این پی، بلوچستان عوامی پارٹی، مسلم لیگ (ق)، جمہوری وطن پارٹی ءُُ آزات جی ڈی اے ءَ ھمبراہ داری کتگ۔
