اسلام آباد۔ 15اگست (اے پی پی) نامینتگیں مزن وزیر عمران خان چار شمبے ءِ روچ ءَ قومی اسمبلی ءِ دیوان ءَ چہ پیسر جھنگ ءَ چہ پی ٹی آئی ءِ نوک گچین بوتگیں باسک صاحبزادہ محبوب سلطان ءِ سیٹ ءِ سر ءَ شت ءُُ آئی ءِ پت ءِ بیرانی ءِ پد ءَ دلپدردی ءِ درشان کت۔ چار شمبے ءِ روچ ءَ قومی اسمبلی ءِ دیونا ءَ چہ پیسر تحریک ءِ انصاف ءِ زالبولیں باسک غلام بی بی بھروانہ ءَ عمران خان ءِ دلگوش اے نیمگ ءَ کت کہ صاحبزادہ محبوب سلطان ایوان ءَ ساڑی ات۔ عمران خان آئی ءِ ھمبراھی ءَ محبوب سلطان ءِ سیٹ ءِ سر ءَ شت ءُُ آئی ءِ پت ءِ واستہ فاتحہ وانی ءِ کت۔ صاحبزادہ محبوب سلطان ءَ گوں ایندگر باسک آں دلپدردی کت۔
