اسلام آباد ۔ 14 اگست (اے پی پی) ملک ءِ صدر ممنون حسین ءَ گوشت کہ دیمروئی کتگیں،سوگو ءُُ جمہوری پاکستان مئے منزل انت۔پاکستان برصغیر ءِ مسلمانانی ءِ امیت ءُُ اللہ ءِ نعمت انت۔پاکستان ءِ ھاترا مئے پیروک ءَ جنز ھلائینتگ ءُُ بے مثال قربانیانی پدا اے ملک آزات کتگ۔انوں مئے پدریچ ءِ زمہ واری انت کہ ملک ءَ را بانی آنی وابانی ردا جوڈ کن انت ءُُ سمبرینگ بیت۔اے مکسد ءِ ھاترا راج ءِ لہتیں تبکانی میان ءَ وشیں سیادی،ہم آھنگی ءُُ براھندگی ءِ ضلورت انت۔ پاکستانءِ راج ءَ 25جولائی ءَ پُرشانیں وڈ ءَ اے اصول ءَ یک رندے پدا مہر جتگ کہ ملک راجءِ مرضی چہ وجود ءَ اتکگ۔ایشی ءِ تقدیر ءِ پیسلہ ھم ووٹ ءِ پرچی ءَ گوں بنت۔پاکستان ءِ راج اے راستی ءَ چہ سرپد انت کہ آہانی نماھندگ ہمہ بوت کن ات کہ آہاں کہ آں وت گچین کن انت۔پاکستان اقوام متحدہ ءِ تپاک نامہ ءِ ردا کشمیر ءِ جیڈھ ءِ حل ءِ ھاترا وتی سیاسی ءُُ اخلاقی پلہ مرزی برجاہ دارایت۔آں سئے شمبے ءَ آجوئی روچ ءِ درگت ءَ کنونشن سینٹر ءِ تہ برجمیں بیرک برز کنگ ءِ مراگش ءَ تران کنگ ات۔اے ساعت ءَ ادارکی مزن وزیر جسٹس (ر) ناصرالملک، چیف آف آرمی سٹاف جنرل قمر جاوید باجوہ، چئیرمین سینٹ صادق سنجرانی، سپیکر قومی اسمبلی سردار ایاز صادق، شاہ محمود قریشی درملکی سفراء ،سئے سلاھ بندیں فوجانی کماش،وزراء علی ظفر، عبداللہ ہارون،ھاسیں شخصیتانی لوگ بانک ،سکول ءُُ کالجانی نودربرانی ھوار لہتیں شوبگ ءَ گوں سیادی داروکیں ھاسیں مردم ساڑی اتنت۔ صدر ممکت ءَ مزن وزیر ناصر المکءَ گوں ھوار راجی بیرک برزکتگ۔اے درگت ءَ نامداریں گشندہ ءَ ءُُ سکول ءِ زھگءَ راجی ساز پیش کتگ ات۔صدرءَ گوشت کہ گوستگیں لس گچینکاری اے ھوالہ ءَ باز گران ات کہ اے ساعت ءَ ملک ءِ لہتیں دمگاں ھاسکر بلوچستان ءُُ خیبرپختونخوا ءِ تہ ناشرکاری ءِ واکیہ دیما اتکگ انت۔مہ پاکستانی راج ءَ را سلام پیش کناں کہ آہاں وتی صبر ءُُ دلبڈی چہ کار گپت ناشرکاری ءَ را پروش دات ءُُ لس گچینکاری ءِ برجمداری سدکی جوڈ کت۔آہاں گوشت کہ مہ ماتیں وتن ءِ تہ امن ءُُ ایمنی ءِ بحالی ءُُ ناشرکاری ءِ ھلاسی ءِ ھاترا جان ندرکنوکیں وتن ءِ بچ ءَ را خراج عقیدت پیش کنگ انت ءُُ آہانی تبک ءِ برزی ءِ ھاترا
اللہ پاک چہ دعا لوٹگ انت۔آہاں گوشت کہ آجوئی ءِ شاھتکامی ءِ مبارک موہ ءِ سرا مہ کشمیر ءِ بچ ءَ ءُُ ایشانی راجدپترساچ قربانی ءَ را ھم مہر ءُُ محبت ءَ گوں یات داریت ءُُ میاں اوستمانی براھندگی ءِ سرا پدر کنگ انت کہ پاکستان اقوام متحدہ ءِ منگ نامہ ءِ ردا کشمیر ءِ جیڈھ ءِ حل ءِ ھاترا وتی سیاسی ءُُ اخلاقی پلہ مرزی برجاہ دارایت۔آہاراج ءَ را گوشت کہ آں وتی جوزگ ءَ جوان دارانت ماتیں وتن ءِ دیمروئی ءُُ سر برزی ءِ ھاترا جہد برجاہ ایر کن انت۔یات دارایت !دیمروئی کتگیں،سوگو،ءُُ جمہوری پاکستان مئے منزل انت ۔مراگش ءِ ھلاسی ءَ صدر مملکت، ادارکی مزن وزیر ،آرمی چیف، چئیرمین سینٹ،سپیکر قومی اسمبلی ءُُ دگراں راجی سوت ءُُ دگہ مراگشاں شریک زھگاں گوں گپ ءُُ تران کتگ ات ءُُ زھگاں راجی سروکاں گوں عکس بندی کنائینتگ انت۔
