اسلام آباد ۔ 14 اگست (اے پی پی) 71 می آجوئی روچ ءِ درگت ءَ کراچی ءَ بانی پاکستان قائد اعظم محمد علی جناحءِ ہدیرہ ءَ گارڈز ءِ بدلی ءِ پُرشانیں مراگش برجمینگ بوتگ۔جندی ٹی وی چینل ءِ ردا سئے شمبے ءَ سہب ءَ کراچی ءِ تہ قائد اعظم ءِ ہدیرہ سرا گارڈز ءِ بدلی ءِ پُرشانیں مراگش برجمینگ بوتگ۔مراگش ءِ بنگیجی تلاوت کلام پاک ءُُ فاتحہ وانگ ءَ گوں کنگ بوتگ۔اے درگت ءَ پاکستان نیول اکیڈمی ءِ کیڈٹسءَ سلامی پیش کنان ءَ اعزازی گارڈز ءِ فرض سمبھالتگ ات۔ کیڈ ٹس ءِ یک دستہ 48ورناء وھدیکہ دومی دستہ پاک بحریہ ءِ لہتیں یونٹس چہ نامینگ بوتگ ات ۔مراگش ءِ ھاسیں مہمان کمانڈنٹ نیول اکیڈمی کمانڈر وقار محمد ات۔آہاں ہدیرہ ءِ سرا پھلانی چادر چیر دات ءُُ اودا ساڑی مہمانانی کتاب ءِ تہ وتی ھیال درشان کتگ ات۔
