اسلام آباد ۔ 14 اگست (اے پی پی) تحریک انصاف ءِ ڈل ءَ نام گپتیں سپیکر بنجاہی اسمبلی اسد قیصر ءِ سروکی ءَ گرینڈ ڈیموکریٹک الائنس (جی ڈی اے)ءِ راھشوناں گوں گند ءُُ نند کتگ ءُُ آہاں گوں سپیکر ءُُ ڈپٹی سپیکر ءِ گچینی ءِ تہ کمک ءِ دزبندی کتگ۔سئے شمبے ءَ تحریک انصاف ءِ باسکاں اسد قیصر، قاسم سوری، فرخ حبیب ءُُ ریاض فتیانہ ءَ پارلیمنٹ لاجز تہ جی ڈی اے ءِ باسک بنجاہی اسمبلی ڈاکٹر فہمیدہ مرزا ءُُ غوث بخش مہرءِ گوما گند ءُُ نند کتگ ءُُ آہاں گوں سپیکر ءُُ ڈپٹی سپیکر ءِ گچینی ءِ تہ کمک ءِ دزبندی کتگ۔ایشی چہ پیسر ءَ میڈیا ءِ گوما گپ ءُُ تران کنان ءَ اسد قیصر ءَ گوشت کہ پاکستان ءَ را نوں باز چیلنجانی دیم انت۔مہ اے چیلنجاں را موہ ءَ بدل کنگی انت۔مہ پاکستان ءِ ھاترا نوکیں دور ءِ بنداتی کنیں۔سپیکر بوتگیں مردمانی راھدربری ءَ گوں ایوان چلائین انت۔جی ڈی اے ءِ نیمگا چہ پلہ مرزی ءِ سرا منت گپتگ انت۔
