کوئٹہ۔14 اگست( اے پی پی )ادارکی سر وزیر بلوچستان علاؤالدین مری ءَ گشت کہ امن ءُُ ایمنی برجاہ دارگ ءِ ھاترا وتی جان ندر کنوکیں دراھیں شہیداں را خراج عقیدت پیش کناں ،ناشرکاری ءَ بُن ءَ چہ ھلاس کنگ بیت ءُُ ناشرکار میئے جزم ءَ را پروش دات نہ کن انت۔ملک ءِ تہ جمہوری دورءِ بنگیجی بوتگ حاکمی نوکیں حکومت ءِ دست ءَ دیگ ءِ کار لہتیں روچاں سرجم بیت۔اے ھیالانی درشان آہاں آجوئی روچ ءِ درگت ءَ بلوچستان اسمبلی ءِ تہ راجی بیرک برز کنگ ءِ مراگش ءَ گوں تران کنگ ات۔مراگشءِ تہ اسپیکر بلوچستان اسمبلی راحیلہ حمید خان درانی ،کمانڈسدرن کمانڈ لیفینیٹ جنرل عاصم سلیم باجوہ ، نومنتخب اراکین اسمبلی ،چیف سیکرٹری بلوچستان ڈاکٹر اخترنذیر،آئی جی پولیس بلوچستان ،آئی جی فرنیٹئرکوربلوچستان ءِ ھوار دگہ مزن تکے واکداراں بہر زوراتگ۔ادارکی سر وزیر بلوچستان علاؤالدین مریءَ گوشت کہ من ءَ اے گپ ءِ وشی انت کہ ملک ءِ تہ جمہوری ادارگ سوگو بوھگ انت۔آہاں گوشت کہ ملک اے وھد ءَ کجام ھم انتشار ءِ متحمل بوت نہ کنت دیمروئی ءُُ وشھالی جمہوریت ءِ وسیلگ ءَ ممکن انت۔پاک چائنا اقتصادی راہداری منصوبگ ءِ سرجمی چہ نہ ایوکا بلوچستان بلکہ سرجمیں ملک ءِ تہ ورناہاں را روزگار ءِ موہ رس ایت۔ادارکی سر وزیر ءَ گوشت کہ بلوچستان ءِ نوکیں حکومت ءَ چہ باز امیت انت من ءَ سدکی انت کہ نوکیں آوکیں حکومت اے امیتانی سرا پیلو بیت۔ادارکی سر وزیر بلوچستان ءَ بلوچستان اسمبلی ءِ تہ راجی بیراک برزکتگ ءُُ اے درگت ءَ روچ ءِ بنداتی 21توپانی سلامی ءَ گوں بوتگ ،نماز فجر ءِ رندا دراھیں مسیتاں قران وانگ بوت ءُُ ملک ءِ دیمروئی ءُُ وشھالی ءِ ھاترا ھاسیں دعا لوٹ اتگ ات وھدیکہ صوبائی بنشہر کوئٹہ ءِ لہتیں وانگجاھ ،کالجاں ءُُ شاھدربرجاہاں آجوئی ءِ جشن ءِ درگت ءَ مراگش آنی برجم داری کنگ بوتگ۔
