پاک اُرد ءِ سروک جنرل قمر باجوہ ءَ گوں پیپلز آرمڈ پولیس فورس ءِ کمانڈر جنرل وانگ نگ ءِ گند ءُُ نند، دمگی سلامتی ءُُ کزبی کار آنی سر ءَ ھیال ریچی کنگ بوت، آئی ایس پی آر

راولپنڈی۔ 13 اگست (اے پی پی) پاک اُرد ءِ سروک جنرل قمر باجوہ ءَ گوں پیپلز آرمڈ پولیس فورس ءِ کمانڈر جنرل وانگ نگ ءَ گند ءُُ نند کت ایشی ءِ تہ ءَ آئی ءَ دمگی سلامتی ءُُ کزبی کار آنی سر ءَ ھیال ریچی کت۔ پاک اُرد ءِ شوبگ (آئی ایس پی آر) ءِ رد ءَ پیپلز آرمڈ پولیس فورس ءِ کمانڈر جنرل وانگ نگ ءَ دو شمبے ءَ جی ایچ کیو راولپنڈی ءِ تر ءُُ تاب کت آھودا آئی ءَ آرمی چیف جنرل قمر جاوید باجوہ ءَ گوں گند ءُُ نند کت۔ مہمان جلّاں پڑ ءَ ایمنی ءُُ سلامتی ءِ واستہ پاک اُرد ءِ کوشست آنی توسیپ کت ءُُ آرا ساڑات۔ ناشر کاری، سیکورٹی ٹریننگ ءُُ تجروبت آنی یک ءُُ دگر ءَ سر ءُُ سوجی شوبگ ءَ دو نیمگی کمک ءَ را ودینگ ءِ شور ءُُ سلاھ آنی سر ءَ ھیال ریچی ھم کنگ بوت۔