اسلام آباد ۔ 13 اگست (اے پی پی) عوامی مسلم لیگ ءِ کماش شیخ رشید احمدءَ گوشت کہ راج ءَ عمران خان ءِ سرا ہمہ کہ ذمہ واری مان کتگ آں ایشی ءِ سرا پیلو بنت ۔پاکستان ءُُ ایشی ءِ ادارگ ءَ را سوگو ءُُ گہتر جوڈ کن انت،نوکیں حکومت جمہوریت ءَ را دیما برایت ءُُ اپوزیشن ءَ را پج ءَ برایت۔ہمہ کہ گوشگ ات کہ شیخ رشید اسمبلی ءَ نہ بیت ہمہ چارانت کہ شیخ رشید احمد اسمبلی تہ انت ءُُ آں وت ڈن ءَ نشتگ ات۔سوگندی مراگش ءِ پدا پارلیمنٹ ماڑی ءِ دیما میڈیا ءِ گوما گپ ءُُ تران کنان ءَ آہاں گوشت کہ اولی پیش گشی کنگ انت کہ مسلم لیگ ن ءُُ پیپلز پارٹی ھواری ءَ نہ چل انت۔اول ءَ وھدیکہ پیش گُشی کتگ ات کہ عمران خان 100چہ گیش سیٹ زورایت ہمہ وھد ءَ مردماں مذاق کنگ ات بلے انوں اے راست پدر بوتگ۔ راولپنڈی ءِ ووٹرانی منت وار انت ءُُ سدکی دیئگ انت کہ گریبانی توار بباں۔آہاں گوشت کہ راج ءَ مولانا فضل الرحمان ءَ را رد کتگ ۔مولانا فضل الرحمان ءَ را آجوئی روچ ءِ مراد بات پیش کناں۔آہاں گوشت کہ عمران خان ءَ ہمہ ذمہ واری دات من قبول کناں۔
