پشاور۔13 اگست (اے پی پی)خیبرپختونخواءِ نوک گچین 11اسمبلی باسکاں سوگند چست کتگ۔گورنرخیبرپختونخواءِ نیمگا چہ سپیکر ءِ ذمہ واریانی ھاترا گچین مسلم لیگ ن ءِ باسک اورنگزیب نلہوٹھا ءَ نوک گچین باسکاں خیبرپختونخوا اسمبلی چہ سوگند زوراتگ۔اپوزیشن باسکاں اسمبلی ءِ بنداتی دیوان ءِ تہ دستاؓ سیاہیں پٹی بست بہر زوراتگ۔سرجمیں حالانی ردا دوشمبے ءَ خیبرپختونخوااسمبلی ءِ تہ نوک گچین باسکاں سوگندی مراگش ءِ سروکی ن لیگ ءِ اورنگزیب نلہوٹھاءَ تلاوت کلام پاک ءِ پدا سپیکر ءَ وتی ءُُ اسمبلی سٹافءِ نیمگا چہ دراھیں باسکاں را مراد باتی پیش کتگ۔ایشی ءِ پیسر ءَ آہاں اسمبلی باسکاں چہ سوگندگپتگ۔اسمبلی سیکرٹریٹءِ گوشگ ءِ ردا صوبائی اسمبلی ءِ کل 124باسکاں چہ 111ءَ سوگند زوراتگ۔ سوگند ءِ پدا باسکاں اسمبلی رجسٹر ءِ سرا حروف تہجی ءِ ردا سپیکر ءِ سیٹ ءِ نزیک ءَ وتی وتی دست چنگل کتگ ات۔اسمبلی ءِ بنداتی دیوان ءِ تہ اپوزیشن باسکاں دستاں سیاہیں پٹی بست دیوان ءَ شریک بوت سوگند چست کتگ۔سوگندی مراگش ءِ پیسر ءَ دراھیں باسکاں یک دومیگ ءِ گوما دست دراہی کت مراد باتی داتگ۔یات دارگ بیت کہ اسد قیصر ءَ بنجاہی اسمبلی ءِ باسک ءِ بستار ءَ سوگند چست کتگ ءُُ آں بنجاہی اسمبلی ءِ تہ پی ٹی آئی ءِ سپیکر ءِ امیتوار انت اے ھاترا سپیکر ءِ زمہ واری گورنر ءِ گوشگ ءِ سرا ن لیگ ءِ باسک اورنگزیب نلہوٹھاءَ سمبھالتگ۔
