جسٹس (ر) ناصر الملک ءَ سرپانک حکومت ءِ وھد ءُُ پاس ءِ ساھت ءَ لائک ءِ توسیپی ازمت آنی کنگ ءِ پد ءَ کابینہ ءِ باسک آنی شگر ءُُ منت گپت
اسلام آباد۔ 13اگست (اے پی پی) سرپانک مزن وزیر جسٹس (ر) ناصر الملک ءَ سرپانک حکومت ءِ وھد ءُُ پاس ءِ ساھت ءَ لائک ءِ ستائیں کار کنگ ءِ پد ءَ کابینہ ءِ باسک آںی شگر ءُُ منت گپت۔ آئی ءَ اے گپ دو شمبے ءَ مزن وزیر کارگس ءَ سرپانک کابینہ ءِ دیوان ءَ سروکی ءَ کنان ءَ کت۔ سرپانک مزن وزیر ءَ کانودی زمہ واری آنی پیلو کنگ ءَ سرپانکیں حکوم تءِ کمک کنگ ءِ پد ءَ توامیں بُنجاھی سیکرٹری، اپسرگ ءُُ کارندہ آنی ھم توسیپ کت ءُُ آوانی شگر ءُُ منت گپت۔ کابینہ ءِ باسک آں وتی زمہ واری آنی پیلو کنگ ءَ مدام ھمبراہ داری ءُُ کمک ءِ پجاری ءَ مزن وزیر ءِ پد ءَ مزن وزیر ءِ شگر ءُُ منت گپت۔ بُنجاھی کابینہ ءَ دست کش بوھوکیں کابینہ ءِ سیکرٹری سید ابواحمد عاکف ءِ ازمت آناں ساڑات ایشی یے مزدگری وھد ءُُ پاس دو شمبے ءَ سرجم بوت۔
بلوچستان نیشنل پارٹی ءِ سروک اختر جان مینگل ءِ پارلیمنٹ گس ءِ ڈن ءَ اھوالکاراں گوں تران
اسلام آباد۔ 13اگست (اے پی پی) بلوچستان نیشنل پارٹی (بی این پی مینگل) ءِ سروک اختر جان مینگل ءَ گوشت کہ 6 ٹِکی ایجنڈا ءِ سر ءَ تحریک ءِ انصاف ءَ منوگر کتگ، امیت اِنت کہ تحریک ءِ انصاف مئے لوٹ آں پیلو کنت۔ سوگندی دیوان ءَ چہ پد پارلیمنٹ گس ءِ ڈن ءَ میڈیا ءَ گوں تران کنان ءَ آئی ءَ گوشت کہ حکومت پیسر ءَ ھم اتکگ بوتگ اَنت ءُُ نوں نوکیں حکومت ءِ اتکگ، وزارت ءِ واستہ تحریک ءِ انصاف ءِ گوما دست ناملارینتگ، مئے شش ٹِکی ایجنڈا ساپ ءُُ تلپچ اَنت، گوستگیں حکومت آں مئے لوٹ آناں پیلو نہ کتگ، امیت اِنت کہ نوکیں حکومت مئے شش ایں بُن گپ آنی سر ءَ عمل کنائین ایت ءُُ مارا مایوس نہ کنت۔
بُنجاھی وزیر توکی کار محمد اعظم خان ءِ چائنیز پیپلز آرمڈ پولیس فورسز ءِ کمانڈر جنرل وانگ ءِ سروکی ءَ ڈٖل ءِ گند ءُُ نند
