گند ءُُ نند ءَ پاکستان ءِ سول آرمڈ فورسز ءُُ چائنیز پیپلز آرمڈ پولیس فورسز ءِ نیامءَ دو نیمگی کمکی کار باست ءُُ واست
اسلام آباد۔ 13 اگست (اے پی پی) بُنجاھی وزیر توکی کار محمد اعظم خان ءَ گوں چائنیز پیپلز آرمڈ پولیس فورسز ءِ کمانڈر جنرل وانگ ءِ سروکی ءَ ڈل ءَ گند ءُُ نند کت۔ اے موہ ءِ سر ءَ سیکرٹری توکی کار ءَ ھوار وزارت ءِ توکی کار ءِ ایندگہ کارندہ ھم ساڑی اتنت۔ گند ءُُ نند ءَ پاکستان ءِ سول آرمڈ فورسز ءُُ چائنیز پیپلز آرمڈ پولیس فورسز ءِ نیام ءَ دو نیمگی کمکی کار باست ءُُ واست بوت اَنت۔ بُنجاھی وزیر ءِ توکی کار محمد اعظم خان ءَ گوشت کہ پاکستان ءَ چینی شہری آنی سرجمیں ءُُ فُل پروف سیکورٹی ءِ پُجاری ءَ را دل یکیمی کنگ بوھگ ءَ انت۔ اے رد ءَ موہ یل نہ کناں ۔ آئی ءَ گوشت کہ پاکستان ھمک رنگ ءِ ناشرکاری ءِ ھلاسی ءِ واستہ جزمیگ اِنت آئی ءَ گوشت کہ دوئیں ملک پڑ ءَ ناشرکاری ءِ ھلاسی ءِ واستہ ءُُ ناشرکاری ءِ ھلاسی ءِ واستہ یکجائی ءَ کار کنگ ءَ انت۔ آئی ءَ گوشت کہ چینی سیولائیزیشن دُگنیا ءَ کوھن تریں سیولائزیشن اِنت۔ آئی ءَ گوشت کہ پاکستان ءَ ناشرکاری ءِ ھلاپ ءَ جنگ ءَ بے دروریں کربانی داتگ۔ آئی ءَ پاکستان ءُُ چین ءِ محکمہ ءِ پولیس ءِ کار آنی ھوالگ ءَ کمک ءِ سر ءَ زور پر دات۔ جنرل وانگ ءَ پاک۔ چین یکوئی آناں گیش ودینگ ءِ بابت ءَ وزارت ءِ توکی کار ءِ کوشست آنی توسیپ کت ءُُ شور ءُُ سلاھ دات کہ پاکستان ءُُ چین ءِ سیکورٹی ءِ جیڈھ آنی سر ءَ یکجائی کمک ءَ را ودینگ بہ بیت۔ پاکستان ءِ نیمگ ءَ چین ءِ اے شور ءُُ سلاھ ءِ توسیپ کت ءُُ اے رد ءَ زوت گامگیج چست کنگ ءِ جزم ءِ درشان کت۔
