اسلام آباد ۔ 12 اگست (اے پی پی) پاکستان تحریک انصاف ءِ ڈل ءَ سپیکر قومی اسمبلی سردار ایاز صادقءِ گوما یک شمبے ءَ ایشی ءِ چیمبر ءَ گند ءُُ نند کتگ۔گند ءُُ نند ءِ ساعت ءَ راجی اسمبلی ءِ مروچی (دوشمبے) ءَ بوکیں دیوان ءُُ 25جولائی ءَ بیوکیں لس گچینکاری ءِ باروا ھیال ریچی کنگ بوتگ۔گند ءُُ نند ءِ پدا میڈیا ءِ گوما گپ ءُُ تران کنان ءَ تحریک انصاپ ءِ ربالکار ءُُ نوک گچین بوتگیں باسک بنجاہی اسمبلی فواد چوہدری ءَ گوشت کہ اے عمران خان ءِ وژن انت کہ راجی جیڈھ آنی سرا اپوزیشنَ گوں ھوار چلگ بیت۔ ملک ءَ را درپیش چیلنجانی ھلاسی ءِ ھاترا تپاکی ءِ ضلورت انت۔اگہ سیاسی گل ھوار بوت کار نہ کن انت تو سسٹم مھکم نہ بیت۔آہاں مستریں گلانی نیمگا چہ پارلیمنٹ ءِ بہر جوڈ بوھگ ءِ پیسلہ ءَ را ساڑاتگ۔آہاں گوشت کہ شہباز شریف، بلاول بھٹو زرداری ءُُ دگرانی نیمگا چہ پارلیمنٹ ءِ تہ آھگ ءِ پیسلہ نیک شگون انت۔آہاں سرپد کت کہ پاکستان تحریک انصاف ءِ ڈل پاکستان پیپلزپارٹی ءِ راھشون خورشید شاہءِ گوما گند ءُُ نند کنگ انت ۔آہاں گوشت کہ تحریک انصاف ءِ ڈل مزن وزیر ءِ سوگند ءِ مراگش ءِ ھاترا دعوت دیئگ اتکگ ات۔ڈل ءِ تہ پرویز خٹک، شفقت محمود، اسد قیصر، فواد چوہدری ءُُ دگہ ھوار ات
