اسلام آباد ۔ 11 اگست (اے پی پی) پاکستان ءَ دالبندین ءِ تہ چینی انجنئیرز ءُُ ایف سی کارندہانی سرا ناشرکارانی اُرشے ایراد گپتگ۔ڈنی وزارت ءِ ربالکار ڈاکٹرمحمد فیصل ءَ ھپتگ ءَ ٹوئٹرءَ جاڑی کلہو ءَ گوشت کہ چینی انجنئیرز ءُُ ایشاں گوں ھوار ایف سی کارندھانی جاور مھکم ات ءُُ طبی آسراتی پھجارگ بوھگ انت۔آہاں گوشت کہ اے وڈیں لگوریں کارروائی چہ ناشرکارانی ھلاپ ءَ پاکستان ءِ جزم ءَ را نزور نہ کت کن انت۔
