اسلام آباد۔ 09 اگست (اے پی پی) بُنجاھی دارالحکومت اسلام آباد ءَ گرین پاکستان پروگرام ءِ چیر دستی ءَ بشامی ھور آنی ساھت ءَ نھال کشگ ءِ گامگیج بندات کنگ بوتگ۔ سرپانک بُنجاھی وزیر برائے موسمی مٹ ءُُ بدلی محمد یوسف شیخ ءَ نھال کشت ءُُ کشت ءُُ کشاری گامگیج ءِ بندات کت۔ اے موہ ءِ سر ءَ بُنجاھی وزیر ءَ گوشت کہ پاکستان ءَ جنگل ءِ ھد ءُُ ابیل 5.01 درسد اِنت ایش سک باز کم اِنت۔ آئی ءَ گوشت کہ مئے جنگل جتاھیں وڑ ءُُ پیم ءَ اَنت جنگل ءِ اندر ءَ سوچگی دار ءَ ابید دگہ بازیں نمونگ ءِ پُل است انت۔ بازیں مول ءُُ مراد آنی سبب ءَ جنگل ترندی ءَ کم بوھگ ءَ اَنت۔ شجر کاری نا ایوک ءَ ایکوسسٹم ءِ واستہ ضلوری اِنت بلکینگ ءَ موسمی مٹ ءُُ بدلی ءِ ھرابیں آسر آں گوں گر ءُُ چیل بوھگ ءِ یک وسیلگ اِت۔ بُنجاھی وزیر ءَ گوشت کہ گرین پاکستان پروگرام ءُُ بلین ٹی پراجیکٹ ءِ چیر دستی ءَ قومی ءُُ صوبائی تک آں جنگل آنی برجائی ءِ واستہ بازیں ٹوھیں گامگیج کنگ بوتگ اَنت۔ آئی ءَ گوشت اے بابت ءَ نوں گیش مھکمیں کوشست کنگ ءِ ضلورت اِنت تانکہ گیشاں چہ گیش کشت ءُُ کشاری ءِ وسیلگ ءَ جنگل آناں ودینگ بہ بیت۔
