اسلام آباد ۔ 9 اگست (اے پی پی) دیا میر بھاشا ڈیم انا جوڑ جاڑ آن 6.5 ملین ایکڑ فٹ دیر کوڑی کننگ مریک ہراڑآن 4500 میگا واٹ بجلی قومی گریڈ اٹی اوار کرسا صارف آتے ہڑزآن نرخ آتیا الس ءِ فراوان کننگ مریک ۔ آبی وسیلہ نا بشخ انا چاہندارآک پارینو کہ دیا میر بھاشا ڈیم 270 میٹر بھلن مریک ہرانا رقبہ 110 مربع کلو میٹر آ تالان مریک ہرا دنیا بڑزانگا آر سی سی ڈیم مریک۔ اوپارے کہ ڈیم انا جوڑ جاڑآن نئے بیرہ آبی وسیلہ نا بشخ شون ہلیک بلکن داڑآنن ڈیرہ اسماعیل خان و ایب وکیب نا علاقہ غاتیٹی 6 لکھ ایکڑ رقبہ ءِ سیراب کننگ اٹ ہم کمک رسینگک ہراڑآن نئے بیرہ کشاری بشخ انا پیداوار نا مون آ دننگ اٹ کمک رسینگک بلکن داڑآن غذائی رکھ ءِ ہم المی جوڑ کننگ مریک ۔
