اسلام آباد ۔ 9 اگست (اے پی پی) وزارت ڈٹ بندی شونداری واصلاحات سرکاری بشخ انا شونداری پروگرام تیٹی پاکستان اٹامک انرجی کمیشن ناشونداری ڈٹ آتے کن جم وڑاٹ داوخت اسکان 4 ارب 62 کروڑ 86لکھ60ہزار روپئی نا فنڈ جاری کرینے ، ہندامالی سال اٹی حکومت پاکستان اٹامک انرجی کمیشن ناشونداری ڈٹ آتے کن 30ارب 42کروڑ روپئی آن زیات نا فنڈ جتا کرینے ۔ پلاننگ کمیشن نا کنڈآن جاری حساب وکتاب نارداٹ حکومت اسلام آباد اٹی اٹامک انرجی کینسر ہسپتال نوری نااپ گریڈیشن کن 29کروڑ 70لکھ، نیشنل سنٹر فار فزکس اٹی آر اینڈ ڈی لیبز انااپ گریڈیشن کن 5کروڑ، بہاولپور، لاہور، کراچی واسلام آباد اٹی کینسر ہسپتال آتیٹی ازباب آتا فراوانی کن 3کروڑ 15لکھ ، نیشنل ٹوکومیک فیوژن پروگرام اکن 3کروڑ 32لکھ، خیبر پختونخوا ناضلع کرک اٹی مائننگ پروجیکٹ اکن 16کروڑ، کراچی کوسٹل پاور پروجیکٹ اکن 35کروڑ 40لکھ، گوجرانوالہ انسٹیٹیوٹ نیوکلیئر اینڈ ریڈیو تھراپی کن 14کروڑ 21لکھ روپئی تون اوار چندی شونداری ڈٹ آتے کن فنڈ جاری کرینے ۔
