اسلام آباد ۔ 8 اگست (اے پی پی) کیروٹ ہائیڈروپاور پراجیکٹ ءِ سرا کار 2021ءِ تاں سرجم بیت۔منصوبگ چہ 720میگاواٹ توان ودی بیت۔ وزارت توانائیءِ گوشگ ءِ ردا اے منصوبگ چین پاکستان اقتصادی راہداری ءِ بہر انت ءُُ ایشی ءَ مچ ءَ 1420ملین ڈالرھرچ کائیت۔منصوبگ ءِ ھاترا ڈگار پیسر ءَ گپتگ ات ءُُ فروری 2017ءِ تہ ایشی ءِ مالیاتی کار ءَ گڈی دروشم دیئگ بوتگ ات۔ منصوبگ ءِ سرا 25درسد سول ورک سرجم بوتگ ات۔ اے منصوبگ پنجاپ ءُُ آزات کشمیر ءِ تہ دریائے جہلم ءِ سرا سرجم کنگ بیت ءُُ منصوبگ جوڈ کنگ،چلاو ءُُ سر کنگ ءِ فارمولہ ءِ ردا سرجم بیت۔منصوبگ ءِ سرا کیروٹ پاور کمپنی پرائیویٹ لمیٹڈ کار کنگ ات ءُُ چین ءِ تھری گارجز ساؤتھ ایشیاء انویسٹمنٹ لمیٹڈ مالی کمک پھجاروکیں مستریں کمپنی انت۔
