واہ۔ 8 اگست (اے پی پی) نگران وزیراعظم جسٹس (ر) ناصر الملک ملک انادفاعی گرج آتے پورو کننگ اٹ پاکستان آرڈیننس فیکٹریز نا قابل قدر خذمت آتا ستاءِ کرسا پارے کہ کثیر الجہتی دفاع و ملک ءِ مون تروک سکیورٹی چیلنج آتارداٹ پی او ایف بے کچ اہم حیثیت تخک۔ اوداہیت ءِ چارشنبے نادے پاکستان آرڈیننس فیکٹریز نا دورہ نا وخت آ پارے ۔ ملک انا غٹ آن بھلا دفاعی صنعتی کمپلیکس پی او ایف واہ بننگ آ ادارہ نا چیئرمین لیفٹیننٹ جنرل صادق علی وزیراعظم ءِ بخیر کرے ۔ وزیراعظمءِ آرڈیننس فیکٹری ٹی تیار کروک آ جہانی آب انا سلہہ و بارود نا گیشتر مصنوعات آتابارواٹی سرجم معلومدار کننگا ۔ اودے زمانہ جنگ و امن اٹی سلہہ بند فوج انا دفاعی و غیر دفاعی گرج آتے پورو کننگ کن پی او ایف نا خذمت آتا بارواٹ معلومدار کننگا ۔ وزیراعظم ءِ پاننگاکہ بیرہ خڑچ انا بنداو آ ملکی گرج آتے پورو کننگ آن بیدس پی او ایف درآمدی متبادل نا ذریعہ ہم ملک انا خذمت ءِ کننگ ءِ و 40 ملک آتے تینا سرپلس مصنوعات آتا برآمد کرسا نہادی زرمبادلہ ہم کٹیا کننگ ءِ و ہنداوڑ دفاعی سفارت کاری ءِ سوگوی ہم تننگ انگ ءِ ۔
