اسلام آباد۔ 8 اگست (اے پی پی) بنجائی سیکرٹری وزارت اطلاعات و نشریات سردار احمد نواز سکھیرا پارینے کہ وزارت اطلاعات و نشریات نا زمواری ءِ کہ او ملک دشمن عنصرآتا پروپیگنڈہ نا مقابلہ و قومی سالمیت و سیوت ءِ مون آ دیر ۔او ان لینڈ ریونیو سروس نا پروبیشنرز آتے احوال تسکہ ۔ان لینڈ ریونیو ناپروبیشنرز آک چارشنبے نادے لوک ورثہ و شکر پڑیاں ٹی نیشنل مانومنٹ نا دورہ ءِ کریر ۔سیکرٹری اطلاعات و نشریات سردار احمد نواز سکھیرا پروبیشنرز آتے وزارت اطلاعات و نشریات و ماتحت ادارہ غاتا زمواری و کڑد انا بابت سرجم احوال تس ۔اوپارے کہ وزارت اطلاعات و نشریات پرنٹ میڈیا ،الیکٹرانک میڈیا و سوشل میڈیا ءِ کاریم اٹ اتسا تینا دشمن تا پروپیگنڈہ نا مقابلہ ءِ کننگ و قومی ہم آہنگی ءِ مون آ دننگ کن پبی کڑد ادا کننگ ءِ ۔ اوپارے کہ پیشن نا ملک آتیٹی تعینات انفارمیشن آفیسرآتازمواری ءِ کہ او جہانی کہول آ پاکستان نا گچین دروشم ءِ تالان کیر و پاکستان نا برخلاف مروک آ پراپیگنڈہ نا پبی مقابلہ ءِ کیر ۔
