اسلام آباد۔ 8 اگست (اے پی پی) بنجائی وزیر اطلاعات،نشریات،قومی تاریخ و ادبی میرات بیرسٹر سید علی ظفر پارینے کہ قومی اسمبلی نا دیوان ءِ بٹنگ انگ کن سمری ءِ گدریفینن ہراٹی دیوان 12آن 14اگست نا نیام اٹ بٹنگ انگ نا سسلاہ تننگانے ،ا سپیکر ،ڈپٹی سپیکر و وزیراعظم نا گچین کاری نا عمل کن مسٹ آن چار دے لگنگ کیک ،الیکشن کمیشن آف پاکستان رزلٹ ٹرانسمیشن سسٹم (آر ٹی ایس) فیل مننگ آ حکومت آن انکوائری نا خواست کرینے ،نگران حکومت دا معاملہ غا سجفنگ ءِ زوت فیصلہ اس کننگک ،ہائیکورٹ والیکشن کمیشن ہراڑے جوان سمجھک ہموڑے دُوارہ حساب کننگ نا پرمان تننگ ءِ ،کانود نا رداٹ دُوارہ حساب کننگ آن اومیت دار آتا گڑتیک مرمریرہ ،لوڈ شیڈنگ نا چٹفنگ کن نگران حکومت نا جوڑ کروک آ لانگ ٹرم پالیسز(مریس وختی ) تینا کننگے تو لوڈ شیڈنگ نا ویل ہمیشہ کن چٹفنگ مریک دارداٹ گڑاس سخت ومشکل فیصلہ ہلوئی تمک ، مون تروک ویل آتا ایسری کن ایمانداری و خلوص اتون عملدرآمد کننگے تو ننا ملک ہندن شون ہلوئے کہ کس اس سوچ پروئے ءِ ہم ۔ او چارشنبے نادے سپریم کورٹ نا پیشن صحافی تتون ہیت وگپ کریکہ ۔
