اسلام آباد ۔ 8 اگست (اے پی پی) صوبہ خیبر پختونخوا نا قبائلی ضلع غاتیٹی بشام نا پِرتیٹی مروک آ نسخان تا ازالہ کن 10 کروڑ روپئی ہر ضلع ءِ تننگانے وخت اس کہ ہڑدڑی حالیت آتااصلاح و ازالہ کن کنٹرول روم اس ہم جوڑ کننگانے ۔ سرجم احوال آتارداٹ صوبہ خیبر پختونخوا ناقبائلی ضلع غاتیٹی بشام نا پِرتیٹی مروک آ جانی و مالی نسخان تا ازالہ کن بنجائی حکومت 10 کروڑ روپئی قبائلی علاقہ غاتا ہر اسہ ضلع ءِ تسنے تانکہ او بشام نا پِر تیٹی مروک آ اُراتا نسخان تا ازالہ و بشام نا پِرتیٹی تپاخت کروک و ٹھپی مروک آ بندغ آتا مالی امداد دافنڈآن تننگے ولے بشام نا پِر تیٹی داوخت اسکان 7 بندغ تپاخت کرینو ۔ تپاخت کروک آ چناتیان اسہ چناسے نا تعلق ضلع خیبر، پنچ چنانا تعلق کرم ضلع وخت اس کہ اسہ نرینہ سے نا تعلق ہم ضلع خیبر آن ءِ ۔ قبائلی ضلع غاتا قدرتی آفت آتون مون تروک آ ادارہ نا رداٹ ٹھپی مروک آتیٹی چارزالبول نا تعلق ضلع کرم و3 چناتا تعلق ضلع خیبر آن ءِ ۔ کمامدارآتارداٹ ضلع خیبر اٹی 3 اُراءِ نسخان رسینگا وخت اس کہ اسہ اُراس ضلع کرم نا علاقہ ٹی ہم زہمی مسنے ۔
