پاک فوج اناسروک جنرل قمر جاوید باجوہ تون رشین فیڈریشن نا نائب وزیر دفاع نا اوڑدہی، علاقائی سلامتی نا حالیت، تین پہ تینی است خواہی نا معاملہ ، دفاعی و سیکورٹی کمکاری نا معاملہ غاتیا سجفیر، آئی ایس پی آر

راولپنڈی ۔ 7 اگست (اے پی پی) پاک فوج اناسروک جنرل قمر جاوید باجوہ تون رشین فیڈریشن نا نائب وزیر دفاع کرنل جنرل الیگزینڈر وی فومن اوڑدہی کرے ، اوڑدہی ٹی علاقائی سلامتی نا حالیت ، تین پہ تینی است خواہی نا معاملہ بشمول دفاعی و سیکورٹی کمکاری نا معاملہ غاتیا سفجیر ۔ آئی ایس پی آر نارداٹ رشین فیڈریشن نانائب وزیر دفاع کرنل جنرل الیگزینڈر وی فومن سے شنبے نادے جی ایچ کیو راولپنڈی نادورہ ءِ کرے ہراڑے او آرمی چیف جنرل قمر جاوید باجوہ تون اوڑدہی کرے ۔ کرنل جنرل الیگزینڈر وی فومن دہشت گردی نا برخلاف پاک فوج انا سرسہبی تا ستاءِ کرے و انتہاء پسندی ءِ شکست تننگ کن جہانی برادری نا نیام اٹ گیشتر کمکاری و اشتراک کار نا گرج انا درشانی ءِ کرے ۔