مزن وزیر جسٹس (ر) ناصر ا لملک ءِ پاکستان ائیرو ناٹیکل کمپلیکس کامرہ ءِ تر ءُُ تاب
پاکستان ائیرو ناٹیکل کمپلیس کامرہ ءِ جتا جتائیں منصوبگ ھاسیں رنگ ءَ ملٹی رول جنگی جہاز جے ایف 17تھنڈر ءِ ملکی پڑ ءَ جوڑیشت ءِ بابت ءَ سرجمیں بریفنگ
کامرہ۔ 6 اگست (اے پی پی) مزن وزیر جسٹس (ر) ناصر ا لملک ءَ دو شمبے ءَ پاکستان ائیرو ناٹیکل کمپلیکس (پی اے سی) کامرہ ءِ تر ءُُ تاب کت۔ آئی ءِ آیگ ءِ پد ءَ پاک فضائیہ ءِ ورنا آں آئی ءَ را سلامی پیش کت۔ اے موہ ءِ سر ءَ مزن وزیر ءَ گوشت کہ پاکستان ءِ فضائی دیمپانی مھکمیں پنجگ آنی تہ ءَ اِنت ءُُ پاک فضائیہ ءِ کزبی ازمکاری ءُُ جوانیں ڈیوٹی ءِ دارگ لائک ءِ توسیپی اَنت۔ مزن وزیر ءَ پاکستان ائیروناٹیکل کامپلیس کامرہ ءِ جتا جتائیں منصوبگ ھاسیں رنگ ءَ ملٹی رول جنگی جہاز جے ایف 17تھنڈر ءِ ملکی تک ءَ جوڑیشت ءِ بابت ءَ سرجمیں بریفنگ دات۔ آئی ءَ پی اے سی کامرہ ءِ جتا جتائیں منصوبگ آنی توسیپ کت ایشانی بدولت ءَ پاکستان یک نوکیں جنگی جہاز جوڑ کنگ ءِ لائک اِنت تانکہ ایشی ءِ دیمپانی ضلورت آں سرجم بوت بکن اَنت۔ ایشی ءَ پد مزن وزیر ءَ پاکستان ائیرو ناٹیکل کمپلیس کامرہ ءِ جتاجتائیں فیکٹریز ءِ تر ءُُ تاب کت۔ ایشی ءَ پیسر آئی ءِ آیگ ءِ پد ءَ پاک فضائیہ ءِ سروک ائیر چیف مارشل مجاہد انور خان ءُُ چئیر مین پی اے سی کامرہ ائیر مارشل احمرشہزاد ءَ آئی ءَ را وش اتک کت۔
