اسلام آباد ۔ 6 اگست (اے پی پی) بنجاہی ءُُ دراھیں دمگی چیمبرز آف کامرس اینڈ انڈسٹریءَ متوقع نوکیں ھزانگ وزیر اسد عمر ءِ شریں اقتصادی پالیسی ءَ را ساڑاتگ،آہانی گوشگ ات کہ قتصادی بحالی ءِ راجی ایجنڈہ ءِ ھاترا پالیسی ساچی ءِ ساعت ءَ بیوپاری براھندگی ءَ را پلہ مرزی ءَ زورانت۔بیوپاری براھندگی ءَ گوشت کہ آں ملک ءِ تہ اقتصادی دیمروئی ءِ پراھی ءِ ھاترا ہر تبک ءَ حکومت ءَ گوں کمک کن ایت۔سارک چیمبر آف کامرس اینڈ انڈسٹریءِ سینئر نائب صدر ءُُ یونائیٹڈ بزنس گروپ ءِ چیئرمین افتخار علی ملک ءَ دو شمبے ءَ اسد عمر ءِ ھالپرسی کتگ۔اسد عمر گوستگیں روچ ءَ گچینکاری ءِ تہ وتی سوبمندی ءِ درگت ءَ مراگش ءِ ساعت ءَ ڈڈو ءَ چہ کپتگ انت ءُُ ٹپی بوتگ ات۔افتخار علی ملک ءَ اسد عمرءَ را گوشت کہ تحریک انصاف ءِ حکومت ءِ نیمگا چہ بیوپار دوست ءِ پالیسیانی وھگدار انت۔امیت انت کہ نوکیں ھزانگ وزیر اقتصادی بحالی ءِ ھاترا سرجمیں جہد کن انت ۔ اسد عمر ءِ گوما جتاھیں گند ءُُ نند ءِ ساعت ءَ افتخار علی ملکءَ آہاں را سدکی داتگ کہ سرجمیں ملک ءِ بیوپاری براھندگی وتی مفادات ءِ سودا ءِ بید تحریک انصاف ءِ حکومت ءَ گوں کمک کن ایت۔
