اسلام آباد ۔ 6 اگست (اے پی پی) نامداریں چاگردی ءُُ بیوپاری زالبول فرح خان ءُُ میرو حیاتءَ پاکستان تحریک انصاف ءِ چیئرمین عمران خان ءِ گوما گند ءُُ نند کتگ ءُُ گچینکاری ءَ سوبمندی ءِ سرا مرادباتی داتگ ۔دوشمبے ءَ پاکستان تحریک انصاف ءِ بنجاہی میڈیا ڈپارٹمنٹ چہ جاڑی جارانک ءِ ردا گوشگ بوتگ کہ اے ساعت ءَ آہاں پاکستان تحریک انصافءِ تہ ھوار بوھگ ءِ جار جتگ ءُُ تحریک انصاف ءِ راھشون ءُُ منشور ءِ سرا سرجم تپاک کتگ۔ فرح خان ءُُ میرو حیاتءَ اے ساعت ءَ گوشت کہ ورناء پدریچانی تہ سیاسی شعور ودی کنگ عمران خان ءِ کارنامہ انت۔ عمران خان پاکستانءَ را بحران ءَ چہ درکشگءِ سرجم بود ایر کنگ انت۔آہاں گوشت کہ معیشت ءِ گہترکاری ءُُ پاکستان ءَ را کاروبار دوست ملک ءِ تہ بدل کنگ ءِ ھوالہ ءَ گوں عمران خان ءِ وژن متاثرکن انت۔آہاں نوکیں حکومت ءِ ھاترا نیکیں واھشتانی درشان کتگ۔ چیئرمین تحریک انصاف عمران خانءَ دوئیں زالبولانی گلے تہ ھوار بوھگ ءِ سرا وش اتک کتگ۔
