اسلام آباد ۔ 6 اگست (اے پی پی) ملک انا کیہی ضلع غاتیٹی دوشنبے نادے آن پولیو مہم نا بناء مس ۔ پولیو وائرس نا توننگ کن انسداد پولیو مہم 10 اگست اسکان برجاسلک ۔ مہم اٹ سلوک آ چناتے 11 و12 اگست کن خصوصی مہم اس ہم چلیفنگک ۔ پنجاب، سندھ بلوچستان وخیبر پختونخوا نا بے کچ حساس ضلع غاتیٹی پولیو نا چٹفنگ نا مہم مسہ دے برجاسلک ۔ 5 دے ئی انسداد پولیو مہم اٹی 5 سال آن کم 36لکھ 27ہزار چناتے پولیو آن بچفنگ نا پڑی کنفنگک ۔ پنجاب اٹی دا مہم لاہور، راولپنڈی، ڈیرہ غازی خان، مظفرگڑھ، راجن پور، فیصل آباد، ملتان، رحیم یار خان وبہاولپور نا ضلع غاتیٹی چلیفنگک ۔خیبرپختونخوا ٹی مہم اٹی پنچ سال اسکان نا وئی نا کم و ود چل ءُ پنچ لکھ چناتے پولیو آن بچفنگ نا پڑی کنفنگک ۔ہنداوڑ بلوچستان اٹی پنچ ساال اسکان نا وئی نا ہفدہ لکھ آن زیات چناتے پولیو آن بچفنگ ناپڑی کنفنگک ۔سندھ انا خاص انگا ضلع غاتیٹی ہم پنچ سال اسکان نا وئی نا ہرچناءِ پولیو نا پڑی کنفنگ نا بست و بند کننگانے ۔پولیو ٹیم تا سکیورٹی کن خصوصی سیکورٹی گام گیج کننگانے ۔
