اسلام آباد ۔ 6 اگست (اے پی پی) پنی آ راجی و کاروباری شخصیت آک فرح خان ومیرو حیات پاکستان تحریک انصاف ناچیئرمین عمران خان تون اوڑدہی کریر وگچین کاری تیٹی سرسہبی آ اودے مبارکبادی پیش کریر ۔ دوشنبے نادے پاکستان تحریک انصاف نا بنجائی میڈیا ڈیپارٹمنٹ آن جاری کروک پڑو نا رداٹ داوخت آ اوفک پاکستان تحریک انصاف اٹی شمولیت نا باضابطہ پڑو و تحریک انصاف نا کماشی ومنشور آ پورو پت انا درشانی ءِ کریر ۔ فرح خان ومیرو حیات داوخت آ پاریر کہ ورنانسل اٹی سیاسی شعور بیدار کننگ عمران خان نا کارنامہ ءِ ۔ عمران خان پاکستان ءِ تنکی تیان کشنگ نا پبی لائخی تخک ۔ اوفک پاریر کہ معیشت نا اصلاح و پاکستان ءِ کاروبار دوست ملک اسے ٹی بدل کننگ نا بابت عمران خان نا وژن متاثر کن ءِ ۔ اوفک پوسکن آحکومت کن نیک است خواہی و خواہش آتا درشانی ءِ کریر ۔ چیئرمین تحریک انصاف عمران خان ہڑتوم آ شخصیت آتا پارٹی ٹی شمولیت ناخیرمقدم ءِ کرے۔
