اسلام آباد۔ 3 اگست (اے پی پی) چین پاکستان اقتصادی راہداری نا اہم انگا ڈٹ اسیجائی شونداری و شونہالی نا ضامن ءِ ، پاکستان تیناجغرافیائی محل وقوع نا سوب یورپ وایشیائی ملک آتا نیام اٹ پول انا کڑد ءِ ادا کننگ ءِ وڈیہہ ٹی واپار ، اقتصادی و ایلو رابطہ غاتے کن راہداری فراوان کننگ ءِ ، معاشی وڑاٹ سوگو پاکستان ہی دہشت گردی و انتہا پسندی ءِ شکست تننگ کیک و علاقائی سوگوی ءِ المی جوڑ کننگ کیک ۔ جمعہ نادے سی پیک سیکرٹریٹ نا کمامدارآک پاریر کہ ایشیا شون ہلنگ ءِ و ڈیہہ نا الس ءِ تینا وسیلہ غاتیا دسترس دوئی و معاشی وارخواہی تے کاریم اٹ اتسا تینا تقدیر نا مالک تینٹ جوڑ مننگ نا گرج ءِ ۔
