لاہور۔ 3 اگست (اے پی پی) سارک چیمبر آف کامرس ناسینئر نائب صدر ویونائٹڈ بزنس گروپ (یو بی جی) نابنجائی چیئرمین افتخار علی ملک پارینے کہ ملکی معیشت نا سوگوی کن عمران خان نا کماشی ٹی تحریک انصاف نا حکومت ءِ درملکی براہ راست زرکاری (ایف ڈی آئی) ءِ پاکستان نا کنڈآ چکار کرفنگ کن خصوصی آسراتی پیکج نا پڑو ءِ کروئی مریک ۔ جمعہ نادے جاری تینا بیان اٹی افتخار علی ملک پارے کہ مینو فیکچرنگ وانفراسٹر کچر سیکٹرز اٹی پائیدار شونداری کن مریس وختی درملکی براہ راست زرکاری (ایف ڈی آئی) نا کسر ءِ ملوئی مریک انتئے کہ داڑآن روزگار نا وارخواہی و معاشی شونداری ٹی ودکی مریک ۔ اودایخین نا درشانی ءِ کرے کہ بروک آ حکومت جیرت مندانہ اقتصادی پالیسی تا پڑو ءِ کے تو ملکی اقتصادی حالیت آتیٹی دمدستی گچینی مننگ کیک ۔
